Buresboahtin Kungsbacka gildii

Giitu go guossihat min ruovttosiiddu. Diehke mii leat čohkken veaháš dieđuid dan bálvalusa birra man mii fállat visuide Kungsbacka gielddas. Lasit dieđuid gávnnat eaŋgalasgillii, ja ollislaččat ruoŧagillii.

Don leat buresboahtin jearrat ja buktit oaiviliid min kunddarguovddážii Kungsbacka direkt telefovnna dehe mejla bokte, dehe manat min luhtte persovnnalaš bálvalussii. Mii veahkehit buoremusat eaŋgalasgillii. 

Kungsbacka direkt
Stadshuset, mátkeguovddáža buohta
Storgatan 37 i Kungsbacka
0300-83 40 00
info@kungsbacka.se

Rabas:

Mánnodat 8-18
Disdat-duorastat 8-17
Bearjadat 8-15

Kungsbacka – gielda gos olus háliidit orrut

Kungsbacka lea Ruoŧa davvemearragátti mielde veaháš lullelis Göteborga. Gieldda davimus oasis lea guhkes mearragáddi, ja lulli geažis lea eanandoallu, meahcit ja jávrrit.

Kungsbackas lea lagabut 80 000 ássit ja juohke jagi mii huksejit 500 ođđa orohagaid. Máŋga ássit orrut dáppe muhto barge iežá gielddas. Lea álkit beassat togain nuorttas Göteborgii ja Boråsii, ja oarjjás Varbergii, Falkenbergii ja Halmstadii.

Mii fállat bálvalusa máŋga sierra surggiin:

Oahpahus ja mánáidfuolahus

Smávit mánáide mis leat ovdaskuvllat ja beaivemánáiddikšut. Ovdaskuvllain mánát ožžot fuolahusa ovtta jahkásačča rájis gitta álget skuvlii. Beaivemánáiddikšu luhtte mánát agis 1-12 jagi ožžot fuolahusa ruovttobirrasis.

Vuođđoskuvllas mánát vázzet ovdaskuvlaluohkás gitta ovccát luohkkái. Kungsbackas lea vejolaš válljet gieldda dehe friddja sihke ovdaskuvllain ja vuođđoskuvllain sierra surggiiguin.

Kungsbackas lea stuorra fálaldat gymnásaoahpahusain sihke gieldda ja friddja skuvllain. Don sáhtát maid rávesolmmožin lohkat rávesolbmooahpahusas dehe ámmátallaskuvllas.

Mánát ja oahppit geat ságastit iežá giela go ruoŧagiela sáhttet oažžut doarjaga dehe oahpahusa iežas eatnigielas skuvllas.

Dutnje guhte easká leat ollen Ruŧŧii ja rávesolmmoš gávdno SFI-oahpahus, ruoŧagiella sisafárrejeddjiide.

Fuolahus, doarjja ja veahkki

Gielddat fállet doarjaga mánáide ja veagaide, boarrásiidda, olbmuide erenoamáš dárbbuiguin ja olbmuide boasttogeavahemiin dehe iežá sosiála váttisvuođaiguin.

Mis lea maid ovddasvástádus váldit vuostá olbmuid jur boahtán, olbmuid báhtareame ja mánáid ja nuoraid geat bohtet okto.

Vásáhusat ja dahkat

Kungsbackas gávdno ollu dahkat astoáiggis. Háliidat go hárjehallat dehe mannat teáhteris, valáštallat dehe návddašit dáidda, lohka dehe čiekčat spáppa – dás gávdno ollu válljet.  

Min dáhpáhuskaleandaris visot dáhpáhusat leat čohkkehuvvon. Kaleandar gávdno dušše ruoŧagillii, muhto váldde oktavuođa min kunddarguovddážiin Kungsbacka direkt, de sáhttet veahkehit du.

Min fitnodatregistaris gávnnat servviide máŋggaid beroštumiide, nugo valáštallan, dáidda, teáhter ja iežá kultuvra, astoáigeeallin ja sierra lágan áigeádjit.

Gávdnojit stoahkanšiljut sihke stuorra ja unna mánáide visot báikkiin.

Hukset, orrut ja biras

Galggat váldit oktavuođa gielddain jus háliidat ohcat huksenlobi dehe dárbbahat veahki čáziin ja njielahagain, muhto maid jus háliidat ahte galget viežžat du bázahusaid dehe háliidat diehtit gos buoremusat ođđasit ávkkástalat du ribaid dehe komposteret.

Ealáhuseallin ja bargu

Kungsbacka gielda lea stuorimus bargoaddi gielddas. Mii leat sullii 7 000 bargit sullii 250 sierra ámmáhin.

Gielddas leat máŋga smávva ja gaskamearalaš stuorra fitnodagat gávppašeamis, huksendoaimmas ja bálvalusat fitnodagaide dego bargiidláigun, ruhtačilgehus ja márkanastin. Bargogaskosteami webbasiiddus gávdnojit rabas virggit

Gielda addá bálvalusa fitnodagaide ja dorjo ođđa fitnodagaid ja lea bearráigeahčču juohkelágán doaimmaid badjel.

Leat go turista Kungsbackas?

Dalle gávnnat dieđuid min webbasajis Turism Kungsbacka.

Leaŋkarávvagat

Webbasajis informationssverige.se gávdno diehtojuohkin gielaide mat sáhttet leat buorit dutnje guhte easká leat boahtán Ruŧŧii.