Buerie båateme Kungsbackan tjïeltese

Mijjieh dan aavoedibie datne mijjen webbesäjroem gaavneme jïh håhkobe bïevnesem gaavnh mij soptseste guktie lea Kungsbackan tjïeltesne årrodh, barkedh jïh guessine årrodh.

Mijjieh åenehks bïevnesem ovmessie gïeline dorjeme dan bïjre maam gaajhkide dejtie faalebe gïeh Kungsbackan tjïeltesne. Jienebh bïevnesh maahtah engelske gïelesne gaavnedh, jïh ellies versjovnem sveerjen gïelesne.

Jis sïjhth maam gihtjedh jallh laejhtedh maahtah mijjen servicejarngem Kungsbacka direkt gaskesadtedh telefovnen jallh mailen tjïrrh, jallh maahtah mijjem guessiehtidh juktie viehkiem åadtjodh. Mijjieh maehtebe voestes geatjan engelske gïelesne viehkiehtidh.

Kungsbacka direkt
Stadshuset, fealadimmiejarngen gaskelen
Storgatan 37, Kungsbacka
0300-83 40 00
info@kungsbacka.se

Rïehpestïjje:

Måanta 8-18
Däjsta-duarsta 8-17
Bearjadahke 8-15

Kungsbacka – tjïelte gusnie gellie sijhtieh årrodh

Kungsbacka gaavnh Sveerjen jillene mearoeraedtesne Göteborgen åarjielistie. Tjïelten jillene dajvesne guhkies mearoe, jïh luvlene dajvesne jielije laanteburriedajvh, bene aaj skåajjh jïh jaevrieh.

Kungsbackesne libie mahte 80 000 årrojh jïh 500 orre årromesijjieh fïerhten jaepien bigkebe. Gellie almetjh daesnie årroeminie bene jeatja tjïeltesne berkieh. Hijven gåerede tåågine fealadidh Göteborgese, Boråsese jïh åarjese Varbergese, Falkenbergese jïh Halmstadese.

Mijjieh jïjnjh håksoeh faalebe:

Ööhpehtimmie jïh maanahåksoe

Dejtie smaave maanide aarhskuvlh jïh maanahåksoebarkijh utnebe. Aarhskuvlehåksoem faalebe maanide gie akten jaepiem illeme raajan skuvlem aelkieh. Maanahåksoebarkiji luvnie maanah 1-12 jaepien gaskoe håksoem gåetiebyjresisnie åadtjoeh.

Maadthskuvlesne maanah aarhskuvlebaeleste dovne åktseden skuvlejaapan. Kungsbackesne nuepie gååvnese skuvlh tjïelten nuelesne jïh frijjeskuvlh dovne aarhskuvlh jïh maadthskuvlh ovmessie suerkine veeljedh.

Kungsbackesne stoerre faaleldahke jåarhkeskuvlijste dovne tjïelten nuelesne jïh frijjeskuvline. Maahtah aaj geerveööhpehtimmiem jallh barkoejïlleskuvlem vaedtsedh.

Maanah jïh learohkh gïeh jeatjah gïelh gåetesne utnieh enn sveerjen gïele maehtieh ööhpehtimmiem sijjen ietniengïelesne skuvlesne åadtjodh.

Dutnjan gie aadtjen Sveerjese båateme jïh lea geerve SFI-ööhpehtimmie, svenska för invandrare, gååvnese.

Håksoe, viehkie jïh dåarjedimmie

Tjïelte viehkiem faala maanide jïh fuelhkide, voeresidie jïh almetjidie funksjovnevualanimmine jïh almetjidie gïeh dåeriesmoerh alkohovle- jïh daalhkesigujmie jallh jeatja sosijaale dåeriesmoerh utnieh

Mijjieh aaj dïedtem åtna dejtie almetjidie dåarjedidh gïeh aadtjen båateme, baataräjjah jïh maanah jïh noerh gïeh oktegimsie baataramme.

Maam maahta daesnie darjodh

Kungsbackesne jïjnjem gååvnese darjodh. Sïjhth saavredh jallh teaterem vuartasjidh, tjeahpoem goerehtidh, lohkedh jallh juelkietjengkerem tjïektjedidh – daesnie jïjnjh veeljedh

Mijjen kalendere gaajhkide heannadimmide tjöönghkeme. Kalendere ajve sveerjen gïelesne, bene maahtah mijjen bïevnesejarngem Kunsgsbacka direkt gaskesadtedh juktie viehkiem åadtjodh.

Mijjen siebrielästosne siebrieh gaavnh gellie måedtiesåarhts aamhtesi bïjre v.t.g saavreme, tjeahpoe, teatere jallh jeatjah kultuvrh, ålkenedarjomh jïh ïedtjh.

Stååkedimmiesijjieh dovne stoerre jïh smaave maanide gaajhkene voenine.

Bigkedh, årrodh jïh byjrese

Edtjh tjïeltem gaskesadtedh jïh sïjhth luhpiem syökedh bigkedh jallh viehkiem daarpesjh tjaetsie- jïh avloppine bene aaj jis säjhta daejredh guktie edtja dov sorhpedahkine bööremes gïehtelidh.

Jielemh jïh barkoe

Kungsbackan tjïelte lea tjïelten stueremes barkoevedtije. Mijjieh libie medtie 7000 barkijh 250 ovmessie barkoej sisnie.

Tjïeltesne gellie smaave jïh stuerebe sïelth åesiestimmesne, bigkemedarjominie jïh dïenesjh sïeltide vtg barkijhleeejeme, ekonomijebarkoe jïh marknadsföringe. Arbetsförmedlingen gåetiesäjrosne dejtie barkojde gååvnesieh mejtie gåerede syökedh

Tjïelte viehkiem sïeltide vadta, orre sïelth dåarjede jïh darjoemidie vaaksjobe.

Datne tuvriste Kungsbackesne?

Dellie maahtah bïevnesh gaavnedh mijjen webbesäjrosne Turism Kungsbacka

Svaalhtesh

Webbesäjrosne informationsverige.se bïevnesh gååvnesh ovmessie gïeline mah maehtieh buerie årrodh dutnjan gie aadtjen Sveerjese båateme.